عايز تبقى انيق ؟؟؟
عايز يبقى مظهرك .. مهما كان ذوقك ... يبان أن راجل ذو ذوق خاص و أنيق
اتقالت فى نكته بين اتنين بنات ، قاعدين يتسلوا سوا
عارفة الراجل يبان انه شيك منين ؟؟
منيين
اقولك ؟؟ من خمس حاجات
من جزمته ، وقفاه ، و ساعته ، وكرافتته
ههههههههههههههه
والخامسة مش فاكرها اوى
الكل طبعا بيضحك
لكل واحدة من دول مبرر .. وهنقولوه ليكم
جزمته ... بغض النظر عن الماركة او الموديل انما الاهتمام بنظافة الحذاء و تلميعه يظهر دائما مدى اناقة الرجل .. لأن الرجل الأنيق لا يقبل ابداً ان يلوث حذائه بأى شوائب أو أى أتربة .. تعتبر عنوان هام من عناوين الاناقة
قفاه ... مهما كان طول او قصر القفا – مع الاعتذار يعنى – او شكل قصة الشعر الا ان الاهتمام بالحلاقة الجيدة للشعر من الخلف مدلول على الاهتمام كل شخص بنفسه هو شخصياً .. وهى من اهم الاشياء بالنسبة لأى انسان
ساعته .. نوع الساعة ومظهرها و لونها يدل اذا كان هذا الانسان يمتلك نوعاً من الذوق المتميز .. لأن انواع الساعات و مناسبات ارتدائها مختلفة ..فالساعة الجلد تختلف عن الساعة المعدن و لكل منهما وقت ومناسبة للارتداء
كرافتته .... اختيار الوانها و مناسابتها مع القمصان والبدل ...ايضاً علامة من علامات الذوق و الأهم طريقة ارتدائها وربطتها ... لان كثيرا من الاحيان يكون الكرافتة ذات ذوق ممتاز ولكن طريقة ربطتها غير مهندمة فتهدر من جمالها
وسوف نبدأ اليوم بأخر الاشياء المهمة لأناقة الرجل
Cravate
كرافته
Tie
رابطة عنق
كل دى اسماء لقطعة من القماش .. رفيعة طويلة ، منتفخة من ناحيتيها ولكن ناحية اكثر من الاخرى .. منتفجه على شكل مثلث ........ وتتعدد الوانها ...... دائما تلبس مع البدلة او مع قميص و بنطلون كلاسيك
قديما كانت تلبس مع قميص سادة وبها لون القميص و كانت تختلف أشكالها ولكن بحدود .... الآن مع الانفتاح على البحرى فى كل مجالات الحياة .. اصبحت للكرافته او رابطة العنق ... العديد و العديد من الألوان و النقشات المختلفة الا جانب اختلاف توفيقها مع الملبس .. بمعنى انه يمكنك الان ان تلبس كرافت مقلمة مع بدلة مقلمة وقميص مقلم .. و تظهر فى منتهى الاناقة
ولكننا اليوم سوف نعرض طرق ربط الكرافتات المتنوعة
طريقة الربط العادية والمتعارف عليها
يمكنك تجديد الكرافت بنفس طريقة الربط ولكن باستخدام
كرافت اكثر عرضاً من الكرافتات العادية
يفضل ان تكون ياقة القميص محتويه الكرافته كما فى الصورة
ثان الطرق المنتشرة وهى تعتبر اكثر صعوبة من الطريقة الأولىيمكن استخدامها مع الياقات الواسعه للقمصان
نلاحظ ان هذه الطريقة تزيد من الكشكشة فى شكل الكرافتهمما يعطيها نوعا من الاناقة اكثر
من اكثر الرباطات اناقة فى رأيى الشخصىتتميز بانها مهندمة جدا .. وانها بارزة فى اى كرافته بالرغم من كثرة نقوشها
ايضا ربطة مميزة وتصلح مع ياقات القمصان المفتوحة والآن معك عزيزى القارئ - خمس ربطات لرابطة العنق - مختلفة ومميزة يمكنك بها تجديد طريقة ملبسك واناقتك
نصيحة
اطبع هذا الموضوع وضعه امامك على التسريحة لتتذكره دائما ..لأنك مش هتقدر تحفظ ا لربطات دى الا بالممارسة
انتبه دائما للأطوال عند ربط الكرافته و تظبيطها حتى لا تملّ من الربطة الجديدة
انتبه ايضاً لعرض الكرافته ..فكل ربطة تحتاج الى شكل معين
مع تحيات خليك ذوقك ... وللأناقة ذوق مختلف
16 comments:
مش ممكن اول واحد يعلق خلاص اخد راحتي بقي
بصي يا شيماء اعتقد انها نكته فعلا ففي مقاييس كتيييييييييييييره جدا غير الاربعه الغريبه دي
المهم انتي بتحبي ايه؟
طبعا فيه مقاييس كتيرة اوى
بس انا راقبت الموضوع ده عند البنات
دول اسهل اربع حاجات البنت تعرف من اول مرة اذا كان الشخص ده انيق و لا لا
بجد مش بهزار
انا عن نفسى بيضاقنى جدا البنى ادم اللى مش ملمع جزمته وبيبان على فكرة اذا كانت اتبهدلت من الطريق وانها كانت متلمعه ولا اذا كان نزل بيها كده
ثانيا انا بحب الكرافتات وبعتبرها سبب مهم اوى فى اناقة الراجل ..بترجم حاجات كتير فى ذوقياته
فى انتظار اقتراحاتك لأى موضوع تحبه يتعرض ونحن فى الخدمة
:)
أنا حسبتهم اتنين بس الجزمة و الساعة
بس القفا دي جامدة أوي ... بييجي في بالي علي طول الضرب:D
أنا فعلا باحب الكرافتات جدا
واختيارها من وجهة نظرى بيعبر بشدة عن ذوق صاحبها أو اللى اختارهاله
أنا ممكن تعتبريني مجنون كرافتات
ممكن أشترى كرافتة لأن ذوقها عجبنى
بغض النظر عندى حاجة تتلبس معاها واللا لأ
يعنى بالبلدى كدة باشترى الكرافتة وبعدين باعمل لها طقم :)
وبيدايقنى جدا ربطة الكرافتة اللى مش مظبوطة
بامسك نفسى بالعافية إنى ما أفكهاش لصاحبها وأربطهاله :)
وخصوصا لو كان راجل كبير ومهم يعنى
أنا متشكر أوى على الربطات اللى انتى عرضتيها هنا... أنا أعرف منهم إتنين بس
أوعدك أجرب التانيين قريب جدا وأقولك النتيجة إن شاء الله
شكرا على الموضوع الجميل
تحياتى
aliaa
والله يا بنتى لو ركزتى مع القفا
هتحسى الفرق
النضافة برضه حلوة
بس بجد نورتينى
سا النور عليكى
amr ibrahim برضه احلى من amr
ايها مجنون الكرافتات
جرب و ورينى
تحياتى انا كمان
بجد يا شيمو عندك حق و خصوصا في موضوع الجزمة :) دي اكتر واحدة فيهم بتبين ذوق الراجل و مش مسألة ثمن زي ما ممكن البعض يفهم
ميرسي على الربطات دي و اكيد هجربهم في جوزي ( بالعافية ) أصله مش بيحبهم بالرغم من إنه ستايل قوي
انا بحب لبس الكاجوال
لما الرجل بيكون لابس فورمال بتخنق
بس ده ميمنعش اني كنت مشدودة جدا وانا بتابع الموضوع
عايزة اقول حاجة عن خليك ذوق كلها بشكل عام
لما ابتديت مكنش يجي في بالي انها هتكون بالجمال والروعه دي
انا دلوقت لما بحب اريح عنيا واتفرج على حاجة بجد فيها جمال وذوق وروح شيماء منورة في كل حته فيها بفتح المدونة دي
ربنا يسعدك ويعمل لك كل حاجة حلوة كده زي ما انتي دايما بتهدينا كل الجمال والذوق
ههههههههههههه
حسستينى إنى قاعد بتفرج على مجله فرنسيه من كتر الأناقه الموجوده فى البوست...
تحياتى..
me2
بس حاسبى لا تخنقيه
براحة وواحدة واحدة
وسلامى ليه
:D
كراكيب
كل واحد فى الدنيا بيحب استايل لبس اكتر من اى حد تانى ..بس لكل مكان لبس معين ينفع يتلبس فيه
يعنى مينفعش اروج كاجول فى فرح او اجتماع .....لكل لبس وقته
وشكرا على كلامك الجميل
امير الظلام
a votre services monsiuer
:D
طب أنا بقي لا بلبس كرافات والساعة من ساعة ما الساعاتي بوظها و هو بيغير الحجر و مجبتش غيرها أو مجاتش فرصة مادية أجيب غيرها ( فما بالك بساعة لكل مناسبة )
والله أنتي رايقة
بس بحييكي علي جهدك و اهو ينفع المتجوزين اللي زهقوا من بعض
تحياتي
diyaa'
يبقى مفضلش غير قفا سيادتك
مدام الساعه بايظة ومش بتلبس بدل
اهتم بقى بقفا سيادتك
و باردون يعنى الجزمة
هتقولى بلبس كوتشى لمعه برضه
و مروقش ليه يا ابنى
هى ناقصة عكننه
hehehehe :D
2faya mzbo6 w by2olk shokrn 3la elehtmam w elgazma blbs-ha lama blbs elbadla ( elly mn 3'er krafat ) w dy btb2a fy elafra7 bs
5leky ry2a w mlkesh d3wa bt3le2at el7asden elly zayey :D
i was kiddin anyway
w 3la fkra elragl elly zo2 w shek dym da 3'alban bykon nasab kber msh wrah sh3'la 3'er elmraya
lkn elly sh2yan ya 3eny msh byl72 yshof elshyaka w ylm3 elgazma 5 mrat fy elyom ...!!
yalla slam
diyaaa'
الاناقة والشياكة مش محتاجة ابدا
ان الراجل يقعد بالساعات قدام المراية
ولا يلمع جزمته 100 مرة فى اليوم
الشياكة هى ابسط من كده كتير
تحياتى
انتى فين ؟؟؟؟؟؟؟؟؟؟؟؟؟؟؟؟؟
انا شايف ان الاناقه مش بالبدل ولا الكرافتات , ولا بالقفا , ولا بالحاجات دى كلها .
انا ياما اتعاملت مع ناس كانوا بيلبسوا لبس فى منتهى الشياكه والاناقه , وده مش كلام
بس لما تيجى تتكلمى معاهم تحسى بالتخلف وان الانسان ده لابس الهدوم دى غلط , يعنى حاجه زى كده
ومن هنا نستنتج ان الشياكه سواء للرجل او للمرأه فى اسلوبهم فى الكلام والاناقه الحقيقيه فى المعامله وليس فى
أرتداء البدل والكرافتات
روكى
هاى شيماء
مش كل حاجة يتمناها الانسان تتحقق
وشكرا
Post a Comment